പ്രണയച്ചിത…..

വിധിയൊരുക്കിയ ചിതയിൽ കത്തിയെരിഞ്ഞ് മരണം കാത്തുനിൽക്കും പ്രണയമേ… നിനക്കുവേണ്ടി….

കത്തിപടർന്നൊടുവിൽ കനൽ മാത്രം കെടാതെ, വീണ്ടും എരിഞ്ഞെങ്കിലെന്ന പ്രതീക്ഷയിൽ പ്രണയം ചിതയിൽ ചിതറികിടക്കുന്നു…

ഹൃദയം മുറിഞ്ഞൊഴുകിയ ചോരയുടെ ഇനിയും ശമിക്കാത്ത കടുത്ത ഗന്ധം.. വായ്ക്കോണിലൂടെ അവസാനമായ് നീയേകിയ ജലത്തിന് നിന്റെ മൊഴിപോലെ മധുരം..

കത്തിയെരിയുന്നതിൻ മുൻപ്,അവസാന കാഴ്ച നഷ്ടപ്പെടും മുൻപ് മങ്ങിയ മിഴിയിലൂടൂർന്നിറങ്ങിയ നിന്റെ രൂപം…

കഠോര ശബ്ദത്തോടെ പൊട്ടിച്ചിതറിയ തലയോട്ടിയ്ക്കിടയിലൂടെ ബന്ധനങ്ങളിൽ നിന്ന് മോചനംനേടിയ നിന്റെ ഓർമ്മകൾ ഇനിയും കത്താൻ വിസമ്മതിച്ചുകൊണ്ട് ഓടിയോളിക്കുന്നു…

എന്റെ ജീവൻ നിന്നിലവസാനിക്കുന്നു… നിന്നിൽ നിന്നും പുതിയ പ്രണയം പിറക്കട്ടെ…നിന്റെ ശ്വാസം ചെറുക്കാറ്റുപോലെ… പുതുമഴ പെയ്തണയും മുൻപായ് കെടാൻ  വെമ്പിനിൽക്കും എന്റെ പ്രണയചിതയുടെ കനലിനെ ഊതിത്തെളിച്ചിടട്ടെ…..

കാലമേ… നീ തന്നെ ഒടുവിലെ സാക്ഷി…..