ഓണക്കാലം ഓർമ്മക്കാലം…..☺️

ഓണം പലർക്കും പല അനുഭവങ്ങളാണ്…. വിളമ്പുന്ന കറികളുടെ രുചിഭേദങ്ങൾ പോലെ ഏറെ വ്യത്യസ്തമായത്… എന്റെ ഓണം ഓർമകളുടെ ആഘോഷമാണ്… മിഴികളിൽ കാത്തിരിപ്പും ഹൃദയത്തിൽ നല്ല നാളെകളുടെ പ്രതീക്ഷയും തുളുമ്പി നിൽക്കുന്ന ഓണരാവ്…

ഉള്ളുതുറന്ന് പുറത്തേക്ക് പ്രകടിപ്പിക്കാനാവാതെ ധമനികളിലെവിടെയോ കുടുങ്ങി കിടന്ന ആ സ്നേഹം എന്നെ വേദനകളിലേക്ക് കൊണ്ടുപോയത്.. അതും ഒരു ഓണരാവിൽ നഷ്ടമായ ആ ചോറുരുളയുടെ ഓർമയായിരുന്നു…. കാതുകളിലേക്ക് ഒഴുകിയെത്തുന്നത് ‘ദേവീ ‘എന്ന വാത്സല്യം നിറഞ്ഞ ആ വിളിയായിരുന്നു..

അപ്പൂപ്പൻ – അച്ഛന്റെ അച്ഛനെ ഞാൻ വല്ലാതെ ഓർത്തുപോകുന്നു ഓരോ ഓണ നാളിലും .. ഒരിക്കലും ആഗ്രഹിക്കാതെ ഒരു ഡിസംബർ മാസത്തിൽ തന്റെ സ്നേഹമൊക്കെയും ഇവിടെ നിക്ഷേപിച്ച് അദ്ദേഹം യാത്രയായി…അദ്ദേഹത്തിന്റെ ഓർമ്മകൾ ഓരോ ഓണക്കാലത്തും എന്നെ വന്നു നനുത്ത സ്നേഹകൈകൾ കൊണ്ട് പൊതിയുന്നു…..

ഓരോ ഓണവും ഓർമകളാണ്… ഒപ്പം ഓർമപ്പെടുത്തലുകളും.

കറികൾക്കൊപ്പം സ്നേഹനിറവുകൾ പൊതിഞ്ഞ ഓണസദ്യയിലെ ഓരോ ഉരുളയും ഓരോ ഓർമപ്പെടുത്തലാണ്…. ഇനിയുമൊരു ഓണക്കാലത്ത് ഇതുപോലെ ഓർമ്മകളിൽ ഒരിക്കൽ ഞാനും നിറയുമെന്ന ഓർമപ്പെടുത്തൽ…. അന്ന് ഒരുപക്ഷെ ഇതുപോലെ എഴുതാൻ ആരുമുണ്ടാവില്ലെന്ന ഓർമപ്പെടുത്തൽ…..

ആരുണ്യ