നഷ്ടബോധം……

ഭ്രാന്ത്‌ പിടിപ്പിക്കുന്ന ഏകാന്തത….സുരപാനം ചെയ്തതു പോലെ നഷ്ടബോധം അതിനെ കൂടുതൽ ഉന്മത്തമാക്കുന്നു…

ഒരിക്കലും തിരികെ തരില്ലെന്ന വാശിയോടെ ഓർമ്മകളെ എന്നിൽ നിന്നും പറിച്ചുമാറ്റാൻ വെമ്പുന്ന കാലം….

ഭ്രാന്തമായ ജല്പനം പോലെ ആർത്തലയ്ക്കുന്ന മഴ എന്റെ മിഴികളെ ആകാശമാക്കി ശക്തമായി പ്രവഹിച്ചു കൊണ്ടേയിരുന്നു……

സ്നേഹം പ്രതീക്ഷകളായി മാറിയ ഈ നിമിഷം ഞാൻ തിരിച്ചറിയുന്നു നഷ്ടപ്പെട്ട ദിനങ്ങൾക്ക് സുഗന്ധം ഏറെയായിരുന്നു…. അരികിൽ ഉണ്ടായിരുന്നപ്പോൾ ഞാൻ അറിയാൻ ശ്രമിച്ചിരുന്നില്ല എങ്കിൽ കൂടിയും………..